మహారాష్ట్రలో విషాదం: దేవాలయ మండపం కూలి ఐదుగురి మృతి

మహారాష్ట్రలోని పర్భని జిల్లాలో యశ్వాడి దేవాలయంలో మండపం పిల్లర్, పైకప్పు కూలడంతో ఐదుగురు మరణించారు. ఈ ప్రమాదంలో 18 మంది తీవ్రంగా గాయపడగా, మరికొందరు శిథిలాల కింద చిక్కుకున్నట్లు అధికారులు అనుమానిస్తున్నారు. ఘటన స్థలానికి చేరుకున్న సహాయక బృందాలు క్షతగాత్రులను ఆసుపత్రికి తరలించి, శిథిలాలను తొలగిస్తున్నారు. ప్రమాదానికి గల కారణాలపై పోలీసులు కేసు నమోదు చేసి దర్యాప్తు చేస్తున్నారు.