తిరుమలలో పెరిగిన భక్తుల రద్దీ

వేసవి సెలవుల నేపథ్యంలో తిరుమల శ్రీవారి దర్శనానికి భక్తులు పోటెత్తారు. క్యూ కాంప్లెక్స్ నిండిపోవడంతో భక్తులు సుమారు 3 కిలోమీటర్ల మేర బారులు తీరారు. సర్వదర్శనం కోసం వేచి ఉండే సమయం 20 గంటలకు పెరిగింది. టీటీడీ అధికారులు కమాండ్ సెంటర్ ద్వారా పరిస్థితిని పర్యవేక్షిస్తూ, భక్తులకు అన్న ప్రసాదాలు, తాగునీరు అందుబాటులో ఉండేలా చర్యలు తీసుకుంటున్నారు.