సంగారెడ్డిలో 'థెరానిమ్‌' బయోలాజిక్స్ కేంద్రం: మంత్రి శ్రీధర్ బాబు ప్రారంభం

సంగారెడ్డి జిల్లాలో రూ.1,200 కోట్ల పెట్టుబడితో ఏర్పాటు చేసిన థెరానిమ్ బయోలాజిక్స్ తయారీ కేంద్రాన్ని మంత్రి శ్రీధర్ బాబు ప్రారంభించారు. క్యాన్సర్, అరుదైన రోగాలకు అవసరమైన అధునాతన బయోలాజిక్స్, వ్యాక్సిన్ల పరిశోధనలకు హైదరాబాద్‌ను ప్రధాన గ్లోబల్ హబ్‌గా మార్చడమే లక్ష్యమని ఆయన పేర్కొన్నారు. బయోటెక్నాలజీ రంగంలో రోబోటిక్స్, ఏఐ వంటి విప్లవాత్మక మార్పులను అందిపుచ్చుకుంటూ అంతర్జాతీయ ప్రమాణాలతో కూడిన ఎకో సిస్టమ్‌ను ప్రభుత్వం సిద్ధం చేస్తోందని మంత్రి తెలిపారు. ఇక్కడ ఉత్పత్తి అయ్యే ప్రాణాంతక వ్యాధుల ఔషధాలను అమెరికా వంటి దేశాలకు ఎగుమతి చేయనున్నారు.