బస్సు ఛార్జీల పెంపుపై టీజీఎస్ఆర్టీసీ క్లారిటీ

దేశంలో డీజిల్ ధరలు పెరుగుతున్నప్పటికీ, ప్రయాణికులపై భారం వేయకూడదని టీజీఎస్ఆర్టీసీ నిర్ణయించింది. ప్రస్తుతానికి బస్సు ఛార్జీలను పెంచే ఆలోచన లేదని ఎండీ వై. నాగిరెడ్డి స్పష్టం చేశారు. ఇంధన ధరల పెరుగుదల వల్ల సంస్థపై నెలకు రూ. 10 కోట్లకు పైగా అదనపు భారం పడుతోంది. అయినప్పటికీ, సామాన్య ప్రజల ప్రయోజనాల దృష్ట్యా పాత ఛార్జీలనే కొనసాగిస్తామని అధికారులు తెలిపారు. భవిష్యత్తులో పరిస్థితులను బట్టి నిర్ణయం ఉంటుందని పేర్కొన్నారు.