సోమశిలకు పెరిగిన వరద ప్రవాహం

సోమశిల జలాశయానికి వరద ప్రవాహం పెరిగింది. ఎగువ ప్రాంతాల్లో కొన్ని రోజులుగా కురుస్తున్న వర్షాలతో పెన్నా క్యాచ్‌మెంట్‌ ఏరియా నుంచి బుధవారం 4,307 క్యూసెక్కుల వరద వచ్చి చేరినట్లు అధికారులు తెలిపారు. అంతకుముందు రోజు ఈ ప్రవాహం 1,700 క్యూసెక్కులుగా ఉంది. ప్రస్తుతం జలాశయంలో 15.950 టీఎంసీల నీరు నిల్వ ఉంది. గత ఐదు రోజులుగా కొనసాగుతున్న వరదతో సోమశిల నీటిమట్టం స్వల్పంగా పెరిగింది.