శంషాబాద్‌ విమానాశ్రయంలో రూ.7 కోట్ల విలువైన గంజాయి పట్టివేత

హాంకాంగ్ నుంచి హైదరాబాద్‌కు అక్రమంగా తరలిస్తున్న భారీ గంజాయిని శంషాబాద్ విమానాశ్రయ అధికారులు సీజ్ చేశారు. హైదరాబాద్‌కు చెందిన దీపక్ జోస్‌కుట్టి అనే వ్యక్తి హాంకాంగ్ వెళ్లి వస్తూ క్యాథే పసిఫిక్‌ విమానంలో తన లగేజీలో 7 కిలోల హైడ్రోఫోనిక్‌ గంజాయిని దాచి తీసుకొచ్చాడు. తనిఖీల్లో పట్టుబడిన ఈ గంజాయి విలువ సుమారు రూ.7 కోట్లు ఉంటుందని అంచనా. నిందితుడిని అదుపులోకి తీసుకున్న పోలీసులు దర్యాప్తు చేపట్టారు.