రికార్డు స్థాయిలో అమర్‌నాథ్ యాత్రకు తరలివెళ్లిన భక్తులు

అమర్‌నాథ్ యాత్రలో భాగంగా జమ్మూ బేస్ క్యాంప్ నుండి బుధవారం ఒకే రోజు అత్యధికంగా 9,837 మంది భక్తులతో కూడిన ఏడో జత్థా బయల్దేరింది. కట్టుదిట్టమైన బహుళ అంచెల భద్రతా వలయం మధ్య ఈ యాత్రికులు ప్రయాణమయ్యారు. మొత్తం 361 ప్రత్యేక వాహనాల్లో భక్తులు పహల్గామ్, బాల్తాల్ బేస్ క్యాంప్‌ల వైపు తరలివెళ్లినట్లు అధికారులు తెలిపారు. ఈ ఏడాది యాత్ర ప్రారంభమైన తర్వాత ఒకే రోజు ఇంత భారీ సంఖ్యలో భక్తులు తరలివెళ్లడం ఇదే తొలిసారి.