రాజస్థాన్‌లో అకాల రథయాత్ర నిలిపివేత

రాజస్థాన్‌లోని సికార్‌లో నిర్వహించతలపెట్టిన అకాల రథయాత్రను శ్రీ జగన్నాథ ఆలయ పరిపాలన (SJTA) అభ్యంతరం తెలపడంతో జిల్లా యంత్రాంగం నిలిపివేసింది. సనాతన ధర్మ సాంప్రదాయాల ప్రకారమే రథయాత్ర జరగాలని అధికారులు స్పష్టం చేశారు. సోషల్ మీడియా ద్వారా విషయం వెలుగులోకి రావడంతో ఎస్జేటీఏ అధికారులు స్థానిక కలెక్టర్‌కు లేఖ రాశారు. దీనిపై స్పందించిన జిల్లా మేజిస్ట్రేట్ ఆందోళనలను పరిగణనలోకి తీసుకుని ఈ యాత్రను తక్షణమే నిలిపివేయాలని పోలీసులను ఆదేశించారు.