న్యూఢిల్లీలో క్వాడ్ సదస్సు ముగింపు

న్యూఢిల్లీలో జరిగిన క్వాడ్ విదేశాంగ మంత్రుల సమావేశం ముగిసింది. భారత విదేశాంగ మంత్రి డాక్టర్ ఎస్. జైశంకర్ అధ్యక్షత వహించిన ఈ సదస్సులో అమెరికా, ఆస్ట్రేలియా, జపాన్ దేశాల మంత్రులు పాల్గొన్నారు. క్వాడ్ దేశాల మధ్య సహకారాన్ని బలోపేతం చేయడంతో పాటు ఉమ్మడి ముప్పు అయిన ఉగ్రవాదాన్ని తిప్పికొట్టడంపై చర్చించారు. ముఖ్యంగా ఇండో-పసిఫిక్ ప్రాంతంలో సముద్ర నిఘా, విపత్తు సహాయక చర్యలు, లాజిస్టిక్స్ నెట్‌వర్క్‌ల విస్తరణ వంటి అంశాలపై భాగస్వామ్యాన్ని మరింత ముందుకు తీసుకెళ్తామని సంయుక్త పత్రికా సమావేశంలో జైశంకర్ స్పష్టం చేశారు.