పూరీ రథయాత్ర లో ముగిసిన 'అడప మండప బిజే' వేడుక

ఒడిశాలోని పూరీలో జరుగుతున్న రథయాత్రలో భాగంగా శ్రీ గుండిచా ఆలయంలో పవిత్రమైన 'అడప మండప బిజే' ఆచారాలు ఘనంగా ముగిశాయి. ఇందులో భాగంగా శ్రీ జగన్నాథ స్వామి, బలభద్రుడు మరియు సుభద్రా దేవి ఉత్సవ మూర్తులను తమ రథాల నుండి గుండిచా ఆలయ గర్భగుడి అయిన అడప మండపానికి వేదమంత్రోచ్ఛారణల మధ్య శాస్త్రోక్తంగా తరలించారు. అత్యంత పవిత్రమైన ఈ ఘట్టాన్ని కనులారా వీక్షించి తరించడానికి వేలాది మంది భక్తులు విశేషంగా తరలివచ్చారు.