ప్రమాదం నుంచి బయటపడినా.. 11 నెలలుగా మంచానికే

రోడ్డు ప్రమాదంలో తీవ్రంగా గాయపడిన పరకాలకు చెందిన ప్రసంగి 11 నెలలుగా మంచానికే పరిమితమయ్యాడు. గతేడాది నవంబర్‌ 21న లారీ ఢీకొనడంతో తలకు తీవ్ర గాయాలయ్యాయి. మూడు శస్త్రచికిత్సల అనంతరం కోమా నుంచి బయటపడినా ఆరోగ్యం మెరుగుపడలేదు. చికిత్స కోసం ఇంటిని అమ్మి, అప్పులు చేసి రూ.35 లక్షలు ఖర్చు చేసినట్లు తల్లిదండ్రులు తెలిపారు. నెలకు మరో రూ.80 వేలు అవసరమవుతుండటంతో ప్రభుత్వం, దాతలు ఆదుకోవాలని వేడుకుంటున్నారు.