మత్స్యకారులకు ఇచ్చిన మాట నిలబెట్టుకున్నాం: పవన్ కల్యాణ్

ఆర్థిక ఇబ్బందులున్నా మత్స్యకారులకు ఇచ్చిన మాట నిలబెట్టుకుంటూ, కూటమి ప్రభుత్వం వేట నిషేధ సమయంలో ఇచ్చే భృతిని రూ.20 వేలకు పెంచి విడుదల చేసింది. దీనివల్ల సుమారు 1.30 లక్షల మంది మత్స్యకారులకు మేలు జరుగుతోంది. ప్రభుత్వం ఈ పథకం కోసం రూ.262 కోట్లు ఖర్చు చేస్తోంది. మత్స్యకారుల వలసలను తగ్గించి, తీరప్రాంతాల్లో వారికి మెరుగైన ఉపాధి అవకాశాలు కల్పించడమే తమ ప్రభుత్వ ప్రధాన లక్ష్యమని డిప్యూటీ సీఎం పవన్ కల్యాణ్ స్పష్టం చేశారు.