ఉత్తరాఖండ్‌లో 'ఆరెంజ్' అలర్ట్ జారీ

ఉత్తరాఖండ్‌లోని నైనిటాల్, బాగేశ్వర్ జిల్లాల్లో శుక్రవారం అత్యంత భారీ వర్షాలు కురిసే అవకాశం ఉందని భారత వాతావరణ శాఖ (IMD) 'ఆరెంజ్' అలర్ట్ జారీ చేసింది. జూన్ 30న రాష్ట్రంలోకి ప్రవేశించిన రుతుపవనాలు ప్రస్తుతం తీవ్రరూపం దాల్చాయి. మరోవైపు వర్షాల కారణంగా కొండచరియలు విరిగిపడటంతో బద్రీనాథ్ జాతీయ రహదారి, కేదార్‌నాథ్ యాత్రా మార్గాల్లో ట్రాఫిక్‌కు తీవ్ర అంతరాయం ఏర్పడింది. రహదారులపై పడిన శిథిలాలను తొలగించి ప్రయాణాన్ని పునరుద్ధరించేందుకు అధికారులు చర్యలు చేపట్టారు