నరసన్నపేటలో అధ్వానంగా రహదారి

నరసన్నపేట నుంచి కరగాం, కంబకాయ మీదుగా జలుమూరు వెళ్లే రహదారి పూర్తిగా దెబ్బతినడంతో ప్రయాణికులు తీవ్ర ఇబ్బందులు పడుతున్నారు. రోడ్డు గుంతలమయం కావడంతో ద్విచక్ర వాహనదారులు, మహిళలు, విద్యార్థులు అవస్థలు పడుతున్నారు. గత ఏడాది కాలంగా రహదారి ఇదే పరిస్థితిలో ఉన్నా అధికారులు పట్టించుకోవడం లేదని స్థానికులు ఆవేదన వ్యక్తం చేస్తున్నారు. కనీసం మరమ్మతులైనా చేపట్టాలని పది గ్రామాల ప్రజలు కోరుతున్నారు.