నిమజ్జనానికి భారీగా తరలివచ్చిన గణనాథులు

సికింద్రాబాద్‌లో గణేష్ విగ్రహాలు భారీగా నిమజ్జనానికి తరలివచ్చాయి. ఇందిరాగాంధీ చౌరస్తా నుంచి జలవిహార్ వరకు సుమారు 2 కి.మీ మేర వాహనాలు బారులు తీరాయి. నెక్లెస్‌ రోడ్‌లోని పీపుల్స్‌ ప్లాజా వద్ద క్రేన్లతో నిమజ్జనం కొనసాగుతోంది. రద్దీ కారణంగా మండపాల నిర్వాహకులు గంటల తరబడి వేచి చూడాల్సి వస్తోంది. అధికారులు అదనపు ఏర్పాట్లు చేసి ప్రక్రియను వేగవంతం చేయాలని నిర్వాహకులు కోరుతున్నారు.