నీట్ అభ్యర్థులకు ఊరట: నకిలీ ప్రచారంపై ఎన్‌టీఏ సీరియస్!

సామాజిక మాధ్యమాల్లో నీట్ యూజీ పరీక్షకు సంబంధించి చలామణి అవుతున్న ఒక వీడియో పూర్తిగా నకిలీదని జాతీయ పరీక్షల సంస్థ (ఎన్‌టీఏ) స్పష్టం చేసింది. ఈ రోజు పరీక్ష అత్యంత భద్రతా ప్రమాణాలతో ప్రశాంతంగా, విజయవంతంగా ముగిసిందని అధికారికంగా ప్రకటించింది. విద్యార్థులను తప్పుదోవ పట్టించేలా ఇలాంటి తప్పుడు సమాచారాన్ని సృష్టించి, ఉద్దేశపూర్వకంగా ప్రచారం చేయడం తీవ్రమైన నేరమని ఎన్‌టీఏ హెచ్చరించింది. ఇందుకు బాధ్యులైన వారిపై దర్యాప్తు సంస్థల సహకారంతో కఠిన చట్టపరమైన చర్యలు తీసుకుంటున్నట్లు వెల్లడించింది.