ప్రధాని మోదీతో సైప్రస్ అధ్యక్షుడు నికోస్ క్రిస్టోడౌలైడ్స్ భేటీ

న్యూఢిల్లీలో సైప్రస్ అధ్యక్షుడు నికోస్ క్రిస్టోడౌలైడ్స్‌తో ప్రధాని నరేంద్ర మోదీ ద్వైపాక్షిక చర్చలు జరుపుతున్నారు. ఇరుదేశాల మధ్య బంధాన్ని బలోపేతం చేయడం, ప్రాంతీయ, అంతర్జాతీయ అంశాలపై సహకారం ఈ భేటీ ప్రధాన ఉద్దేశ్యం. పలు కీలక ఒప్పందాలపై సంతకాలు చేసే అవకాశం ఉంది. నాలుగు రోజుల భారత పర్యటనలో ఉన్న అధ్యక్షుడు, ఈ సాయంత్రం రాష్ట్రపతి ద్రౌపది ముర్మును కలుస్తారు.