మావోయిస్టు నరహరి లొంగుబాటు

మావోయిస్టు కేంద్ర కమిటీ సభ్యుడు పసునూరి నరహరి, ఆయన భార్య దానమ్మ తెలంగాణ పోలీసుల ఎదుట లొంగిపోయారు. ఆయుధాల తయారీలో నిపుణుడైన నరహరి లొంగుబాటు మావోయిస్టులకు పెద్ద ఎదురుదెబ్బ అని డీజీపీ సీవీ ఆనంద్‌ తెలిపారు. 1982లో అజ్ఞాతంలోకి వెళ్లిన నరహరి, సాంకేతిక మరియు శిక్షణ బాధ్యతలను నిర్వహించేవారు. ప్రస్తుతం తెలంగాణకు చెందిన ముగ్గురు కీలక నేతలు మాత్రమే అజ్ఞాతంలో ఉన్నారని డీజీపీ పేర్కొన్నారు. అజ్ఞాతంలో ఉన్న మావోయిస్టులందరూ లొంగిపోవాలని, లొంగిపోయిన వారికి ప్రభుత్వం తరఫున పూర్తి పునరావాస సాయం అందిస్తామని ఆయన స్పష్టం చేశారు.