లేపాక్షి ఉద్యోగుల జీతాల పెంపు

ఆంధ్రప్రదేశ్‌లోని లేపాక్షి అవుట్‌సోర్సింగ్ ఉద్యోగుల వేతనాలను 10 శాతానికి పైగా పెంచుతూ కూటమి ప్రభుత్వం కీలక నిర్ణయం తీసుకుంది. 2025-26 ఆర్థిక సంవత్సరంలో లేపాక్షి షోరూమ్‌ల విక్రయాలు రూ.60.75 కోట్లకు పెరగడంతో మంత్రి సవిత ఈ ప్రత్యేక బోనస్‌ను ప్రకటించారు. రాబోయే ఏడాదిలో రూ.80 కోట్ల అమ్మకాల లక్ష్యాన్ని చేరుకుంటామని ఉద్యోగులు స్పష్టం చేశారు. కళాకారుల అభివృద్ధికి, ఉద్యోగుల సంక్షేమానికి తమ ప్రభుత్వం కట్టుబడి ఉందని మంత్రి తెలిపారు. జీతాల పెంపుపై ముఖ్యమంత్రి చంద్రబాబు నాయుడు, పవన్ కల్యాణ్‌లకు ఉద్యోగులు కృతజ్ఞతలు తెలిపారు.