జాంజిబార్ అధ్యక్షుడితో జైశంకర్ భేటీ

భారత విదేశాంగ మంత్రి డాక్టర్ ఎస్. జైశంకర్ న్యూఢిల్లీలో టాంజానియాకు చెందిన జాంజిబార్ అధ్యక్షుడు, విప్లవ మండలి చైర్మన్ డాక్టర్ హుస్సేన్ అలీ మ్విన్యీతో సమావేశమయ్యారు. ఈ కీలక భేటీలో ఇరు దేశాల మధ్య ద్వైపాక్షిక సంబంధాల బలోపేతంపై వారు విస్తృతంగా చర్చించారు. ముఖ్యంగా ఉన్నత విద్య, మౌలిక సదుపాయాలు, నీటి సరఫరా, వైద్యం, కృత్రిమ మేధస్సు (AI), డిజిటల్ రంగాలతో పాటు సామర్థ్య పెంపు వంటి ప్రాధాన్యతా రంగాల్లో పరస్పర సహకారాన్ని మరింత విస్తరించుకోవడంపై ఇరువురు నేతలు చర్చలు జరిపినట్లు జైశంకర్ 'ఎక్స్' వేదికగా వెల్లడించారు.