రాజస్థాన్‌లో ఐఓసీఎల్ పైప్‌లైన్ ధ్వంసం

రాజస్థాన్‌లోని టోంక్ జిల్లాలో ఐఓసీఎల్ (IOCL) భూగర్భ పైప్‌లైన్‌ను దుండగులు ధ్వంసం చేశారు. ముడి చమురును దొంగిలించడానికి వ్యవసాయ భూమి గుండా అక్రమంగా నిర్మించిన 40 అడుగుల పైప్‌లైన్‌ను గురువారం అధికారులు గుర్తించారు. పైప్‌లైన్‌లో చమురు ఒత్తిడి తగ్గడంతో ఈ చోరీ ఉదంతం వెలుగులోకి వచ్చింది. సాంకేతిక ఆధారాలతో నిందితులను పట్టుకునేందుకు పోలీసులు, ఐఓసీఎల్ అధికారులు సంయుక్తంగా ముమ్మర దర్యాప్తు చేపట్టారు.