రోడ్డు కింద 20 వేల టైర్లు.. అమెరికాలో వినూత్న ఇంజినీరింగ్ ప్రయోగం!

అమెరికాలోని మైనే రాష్ట్రంలో శీతాకాలంలో మంచు కారణంగా రోడ్లు దెబ్బతినకుండా ఉండేందుకు 1995లో సుమారు 20 వేల పాత టైర్లను ముక్కలుగా చేసి రహదారి కింద పాతిపెట్టారు. యూనివర్సిటీ ఆఫ్ మైన్‌ సివిల్ ఇంజినీర్ డానా ఎన్. హంఫ్రీ నేతృత్వంలో చేపట్టిన ఈ ‘టీడీఏ’ (Tire-Derived Aggregate) విధానం ద్వారా మంచు ప్రభావం తగ్గడంతో పాటు వ్యర్థాల పునర్వినియోగానికి చక్కటి పరిష్కారం లభించింది.