ఎగుమతుల్లో రికార్డు సృష్టిస్తున్న భారత్

కేంద్ర వాణిజ్య, పరిశ్రమల శాఖ మంత్రి పీయూష్ గోయల్ అధ్యక్షతన బోర్డ్ ఆఫ్ ట్రేడ్ కీలక సమావేశం ఢిల్లీలో జరిగింది. ఈ ఏడాది ఒక ట్రిలియన్ డాలర్ల ఎగుమతుల లక్ష్యాన్ని సాధించేందుకు అందరం కట్టుబడి ఉన్నామని ఆయన వెల్లడించారు. మొదటి త్రైమాసికంలో 15 శాతం ఎగుమతుల వృద్ధి నమోదైందని, వివిధ దేశాలతో కుదుర్చుకున్న ఉచిత వాణిజ్య ఒప్పందాలు (FTAs) అద్భుతమైన ఫలితాలను ఇస్తున్నాయని మంత్రి ధీమా వ్యక్తం చేశారు.