కరీంనగర్‌లో అసంపూర్తిగా అభివృద్ధి పనులు

కరీంనగర్ నగరపాలక సంస్థ పరిధిలో సుమారు 64 చోట్ల అభివృద్ధి పనులు రెండేళ్లుగా నిలిచిపోయాయి. రూ.132 కోట్ల సీఎంఏ నిధులతో చేపట్టిన రోడ్లు, డ్రైనేజీ పనులను సగం చేసి అలాగే వదిలేయడంతో ప్రజలు తీవ్ర ఇబ్బందులు పడుతున్నారు. బిల్లులు మంజూరైనా ఏజెన్సీలు పనులు పూర్తి చేయడం లేదు. అధికారులు కనీసం నోటీసులు జారీ చేయకపోవడంతో, వర్షాకాలంలో ఆయా ప్రాంతాలు బురదమయంగా మారి దుర్వాసన వెదజల్లే ప్రమాదం ఉంది.