3 గంటల్లో హైదరాబాద్‌-ముంబయి: బుల్లెట్ రైలు డీపీఆర్ సిద్ధం!

హైదరాబాద్‌-ముంబయి మధ్య కేవలం 3 గంటల్లో ప్రయాణించేలా హైస్పీడ్‌ రైలు కారిడార్‌ డీపీఆర్‌ సిద్ధమైంది. గంటకు 300 కిలోమీటర్ల వేగంతో నడిచే ఈ బుల్లెట్ రైలు ప్రాజెక్టు ద్వారా రెండు నగరాల మధ్య ప్రయాణ సమయం భారీగా తగ్గనుంది. 671 కిలోమీటర్ల పొడవైన ఈ కారిడార్‌లో తెలంగాణలో కోకాపేట, వికారాబాద్‌లలో స్టేషన్లు నిర్మించనున్నారు. మహారాష్ట్ర పరిధిలో కొండలను తొలిచి 35 కిలోమీటర్ల మేర భూగర్భ మార్గాన్ని ఏర్పాటు చేయనున్నారు.