హైదరాబాద్ మెట్రోకు కేంద్రం సానుకూలం

హైదరాబాద్ మెట్రో రెండో దశ విస్తరణకు కేంద్రం సూత్రప్రాయ అంగీకారం తెలిపింది. డీపీఆర్ అందిన తర్వాత కేంద్ర, రాష్ట్ర ప్రభుత్వాలు సమాన వ్యయంతో ఈ ప్రాజెక్టును చేపడతాయని కేంద్రమంత్రి కిషన్‌రెడ్డి వెల్లడించారు. అలాగే, మూసీ ప్రక్షాళనలో భాగంగా రూ.3,975 కోట్లతో 39 మురుగునీటి శుద్ధి ప్లాంట్లను కేంద్రం మంజూరు చేసింది. నగర మౌలిక వసతుల కల్పనకు కేంద్రం పూర్తి సహకారం అందిస్తుందని ఆయన స్పష్టం చేశారు.