హర్ముజ్ సంక్షోభం: దౌత్య చర్చలకు బ్రేక్

హర్ముజ్ జలసంధిలో నౌకల రాకపోకలు, భద్రతపై ఒమన్‌లో ఇరాన్‌, గల్ఫ్‌ దేశాల మధ్య జరగాల్సిన కీలక సమావేశం అనివార్య కారణాల వల్ల వాయిదా పడింది. దీంతో పశ్చిమాసియాలో సంక్షోభాన్ని చర్చల ద్వారా పరిష్కరించే దౌత్య ప్రయత్నాలకు తాత్కాలికంగా అడ్డంకులు ఏర్పడ్డాయి. మరోవైపు నౌకలపై దాడులు కొనసాగుతుండటం, సౌదీ చమురు పైప్‌లైన్‌పై డ్రోన్ దాడులు జరగడంతో ప్రపంచవ్యాప్తంగా ఇంధన సరఫరాపై ఆందోళనలు వ్యక్తమవుతున్నాయి.