జూలూరుపాడులో భారీ వర్షం

జూలూరుపాడు మండలంలో బుధవారం ఉదయం నుంచి భారీ వర్షం కురుస్తోంది. తొలుత చిరుజల్లులతో మొదలైన వర్షం క్రమంగా తీవ్రత పెరగడంతో పాఠశాలకు వెళ్లే చిన్నారులు ఇబ్బందులు పడ్డారు. వర్షంతో పంట పొలాల్లోకి నీరు చేరడంతో రైతులు ఆనందం వ్యక్తం చేస్తున్నారు. గత కొన్ని రోజులుగా వర్షాలు లేక ఎండిపోయిన పంటలకు ఈ వర్షం జీవం పోసినట్లుగా ఉందని రైతులు పేర్కొన్నారు.