రైతు డిస్కంపై హరీశ్ రావు అభ్యంతరం

రైతు డిస్కం కోసం ప్రభుత్వం చేసిన దరఖాస్తును తిరస్కరించాలని ఈఆర్సీకి బీఆర్ఎస్ నేత హరీశ్ రావు లేఖ రాశారు. ఈ నిర్ణయం విద్యుత్ రంగాన్ని సంక్షోభంలోకి, ప్రైవేటీకరణ వైపు నెట్టే కుట్ర అని ఆయన ఆరోపించారు. మూడో డిస్కం ఏర్పాటు రైతుల కోసం కాదని, ఆర్థిక ప్రయోజనాల కోసమేనని మండిపడ్డారు. విచారణ పూర్తికాకముందే డిస్కం ప్రారంభిస్తామని చెప్పడం సరికాదని ఆయన విమర్శించారు. ఈ నిర్ణయంపై రాష్ట్రవ్యాప్తంగా అన్ని జిల్లాల్లో బహిరంగ విచారణ జరపాలని డిమాండ్ చేశారు. విద్యుత్ వినియోగదారులపై భారం మోపే ఈ ప్రతిపాదనను కమిషన్ నిలిపివేయాలని లేఖలో కోరారు.