రాజౌరిలో గ్రనేడ్ పేలుడు: నలుగురు జవాన్లకు గాయాలు

జమ్మూకశ్మీర్‌లోని నౌషేరా సెక్టార్‌లో మంగళవారం పెట్రోలింగ్ చేస్తుండగా గ్రనేడ్ ప్రమాదవశాత్తు పేలింది. ఈ ఘటనలో జూనియర్ కమిషన్డ్ అధికారితో సహా నలుగురు సైనికులు గాయపడ్డారు. క్షతగాత్రులను వెంటనే ఆసుపత్రికి తరలించి చికిత్స అందిస్తున్నారు. ఎల్ఓసీ వెంబడి విధులు నిర్వహిస్తుండగా ఈ ప్రమాదం సంభవించింది. గత వారంలో కూడా బారాముల్లాలో జరిగిన ఇదే తరహా ఘటనలో ఇద్దరు జవాన్లు ప్రాణాలు కోల్పోయారు. ప్రస్తుతం పరిస్థితిని అధికారులు పర్యవేక్షిస్తున్నారు.