నిజాంపేటలో ప్రభుత్వ భూమి కబ్జా యత్నం

నిజాంపేటలో సుమారు 12 ఎకరాల విలువైన ప్రభుత్వ భూమిని సొసైటీ ముసుగులో కబ్జా చేసేందుకు కొందరు ప్రయత్నిస్తున్నారు. దీనికి సంబంధించి హైకోర్టు తీర్పును సాకుగా చూపిస్తూ వాణిజ్య కార్యకలాపాలకు సిద్ధమవుతున్నారు. ఈ వ్యవహారంపై రెవెన్యూ అధికారులు అప్రమత్తమయ్యారు. ప్రభుత్వ ప్రయోజనాలను కాపాడటానికి, ఈ కేసును సుప్రీంకోర్టుకు తీసుకెళ్లాలని తహసీల్దార్ కలెక్టర్‌కు నివేదిక సమర్పించారు. కోర్టు తీర్పులను సవాలు చేస్తూ, ప్రభుత్వ భూమిని స్వాధీనం చేసుకునేందుకు అధికారులు న్యాయపరమైన పోరాటానికి సిద్ధమవుతున్నారు.