గండేపల్లిలో కారు ప్రమాదం

కాకినాడ జిల్లా గండేపల్లి వద్ద శనివారం జాతీయ రహదారిపై కారు అదుపుతప్పి పొలాల్లోకి దూసుకెళ్లింది. విద్యుత్ స్తంభాన్ని ఢీకొని కారు బోల్తా పడటంతో, అందులో ప్రయాణిస్తున్న ఐదుగురిలో ఇద్దరు యువకులకు తీవ్ర గాయాలయ్యాయి. తుని నుంచి రాజమండ్రి వెళ్తుండగా ఈ ప్రమాదం జరిగింది. సమాచారం అందుకున్న స్థానికులు వెంటనే స్పందించి, గాయపడిన వారిని చికిత్స నిమిత్తం సమీపంలోని ఆసుపత్రికి తరలించారు. ఈ ఘటనపై పోలీసులు విచారణ జరుపుతున్నారు.