భూకబ్జా కేసులో వైసీపీ మాజీ ఎమ్మెల్యే బొల్లా బ్రహ్మనాయుడు అరెస్ట్

గండిపేటలో ప్రభుత్వ భూమిని కబ్జా చేసేందుకు కుట్ర పన్నిన కేసులో వైసీపీ మాజీ ఎమ్మెల్యే బొల్లా బ్రహ్మనాయుడిని పోలీసులు కాంచీపురంలో అరెస్ట్ చేశారు. నకిలీ పత్రాలు సృష్టించి 10 ఎకరాల భూమిని ఆక్రమించేందుకు ప్రయత్నించినట్లు ఆరోపణలు రావడంతో, ఆయనను అదుపులోకి తీసుకుని హైదరాబాద్ తరలించారు. ఈ కేసులో ఇప్పటివరకు రూ. 12 కోట్ల ఆర్థిక లావాదేవీలు జరిగినట్లు పోలీసులు గుర్తించారు. కోర్టు బెయిల్ పిటిషన్‌ను తిరస్కరించడంతో పరారీలో ఉన్న బ్రహ్మనాయుడి కోసం గాలింపు చేపట్టిన అధికారులు, చివరకు ఆయనను పట్టుకున్నారు. దీనిపై మరిన్ని కోణాల్లో దర్యాప్తు కొనసాగుతోంది.