ఢిల్లీ-సిలిగురి మధ్య బుల్లెట్ రైలు: 6 గంటల్లోనే ప్రయాణం

దేశంలో హైస్పీడ్ రైలు వ్యవస్థను విస్తరించేందుకు కేంద్ర ప్రభుత్వం ముమ్మర ఏర్పాట్లు చేస్తోంది. ఢిల్లీ కేంద్రంగా ప్రతిపాదించిన నాలుగు కారిడార్లలో 1,705 కిలోమీటర్ల పొడవైన ఢిల్లీ-వారణాసి-సిలిగురి ప్రాజెక్ట్ అత్యంత కీలకమైనదిగా నిలవనుంది. ప్రస్తుతం 20 గంటలు పట్టే ఈ ప్రయాణ సమయం బుల్లెట్ రైలు అందుబాటులోకి వస్తే కేవలం 6 గంటలకే తగ్గనుంది. సుమారు ₹2 లక్షల కోట్ల అంచనాతో రూపొందుతున్న ఈ మార్గం భవిష్యత్తులో గువాహటి వరకు విస్తరించే అవకాశం ఉంది.