కాంగ్రెస్ ఓట్ల తొలగింపుపై మంత్రి శ్రీధర్‌బాబు ఆగ్రహం

కాంగ్రెస్ బలంగా ఉన్న చోట ఓట్లను తొలగించేందుకు కేంద్రం కుట్ర చేస్తోందని మంత్రి శ్రీధర్‌బాబు ఆరోపించారు. బీజేపీ ప్రభుత్వం బిహార్ తరహా విధానాలతో తెలంగాణలో ఓట్ల చోరీకి పాల్పడుతోందని, బూత్ స్థాయి కార్యకర్తలు అప్రమత్తంగా ఉండి వీటిని అడ్డుకోవాలని ఆయన పిలుపునిచ్చారు. సాకులతో 35 శాతం ఓట్లు తొలగిస్తున్నారని, రాజ్యసభ సీటును కూడా దొంగిలించారని మంత్రి ధ్వజమెత్తారు. బీజేపీ నేతలు ఎన్నికల ప్రక్రియలో అక్రమాలకు పాల్పడుతున్నారని, ప్రజల కోసం పనిచేసే తమ పార్టీని దెబ్బతీసేందుకు ప్రయత్నిస్తున్నారని ఆయన విమర్శించారు.