పగిడేరు బ్రిడ్జిని వెంటనే పూర్తి చేయాలి

ఖమ్మం జిల్లా కొణిజర్ల మండలం తుమ్మలపల్లి వద్ద పగిడేరు వాగుపై లో-లెవెల్ బ్రిడ్జి నిర్మాణాన్ని నిలిపివేయడంపై బీఆర్ఎస్ జిల్లా అధ్యక్షుడు, ఎమ్మెల్సీ తాతా మధు ఆగ్రహం వ్యక్తం చేశారు. రూ. 75 లక్షల వ్యయంతో చేపట్టిన ఈ పనులను అధికార పార్టీ నేతలు అడ్డుకోవడం దారుణమని ఆయన విమర్శించారు. వర్షాకాలంలో రైతులు పడుతున్న ఇబ్బందులను దృష్టిలో ఉంచుకుని, వెంటనే బ్రిడ్జి పనులను పూర్తి చేయాలని ఆయన డిమాండ్ చేశారు. కాంగ్రెస్ పాలనలో అభివృద్ధి కుంటుపడిందని ఈ సందర్భంగా ఆయన ఆరోపించారు.