ముస్లింల సంక్షేమానికి కట్టుబడి ఉన్నాం: మంత్రి లక్ష్మణ్‌కుమార్

ధర్మపురి ఈద్గాలో బక్రీద్ ప్రార్థనల్లో పాల్గొన్న మంత్రి అడ్లూరి లక్ష్మణ్‌కుమార్, ముస్లింల సంక్షేమానికి ప్రభుత్వం కట్టుబడి ఉందని స్పష్టం చేశారు. స్థానిక మసీదులు, ఈద్గాల అభివృద్ధికి రూ. 7 కోట్లు కేటాయించినట్లు తెలిపారు. పేదల కోసం మరిన్ని పథకాలను అమలు చేస్తున్నామని ఆయన వెల్లడించారు. అలాగే ఎస్సీ సంక్షేమ శాఖ ద్వారా నిరుద్యోగ యువతకు రూ. 2 లక్షల స్వయం ఉపాధి రుణాలు అందిస్తున్నామని పేర్కొన్నారు. అర్హులైన యువతీయువకులు ఈ అవకాశాన్ని సద్వినియోగం చేసుకోవాలని మంత్రి కోరారు.