చిట్టమూరులో చిరుజల్లులు.. రైతుల్లో హర్షం

చిట్టమూరు మండలవ్యాప్తంగా సోమవారం తెల్లవారుజాము నుంచి తేలికపాటి చిరుజల్లులు కురుస్తున్నాయి. వర్షాలతో గ్రామీణ ప్రాంతాల్లోని రహదారులు జలమయమై వాహనదారులు ఇబ్బందులు పడుతున్నారు. మరోవైపు వర్షపు నీరు చెరువులు, పంట పొలాల్లోకి చేరుతుండటంతో రైతులు సంతోషం వ్యక్తం చేస్తున్నారు. పొలాల్లో నీరు చేరడంతో వ్యవసాయ పనులను ముమ్మరం చేస్తున్నారు.