దారి మళ్లిస్తూ దందా చేస్తూ

కిర్లంపూడి మండలం కృష్ణవరం జాతీయ రహదారిపై ఉన్న టోల్‌ప్లాజాను తప్పించేందుకు అక్రమార్కులు అనధికారిక టోల్‌గేట్ దందాను సాగిస్తున్నారు. ఇసుక, గ్రావెల్, కంకర వంటి లోడ్‌తో వెళ్లే వందలాది వాహనాలను టోల్‌ప్లాజా రుసుములు (రూ. 2,000 పైగా) ఎగ్గొట్టేలా పోలవరం కాలువ గట్టు మీదుగా దారిమళ్లిస్తున్నారు. రాజకీయ నేతల అండతో ఒక్కో వాహనం నుండి రూ. 200 నుండి రూ. 800 వరకు వసూలు చేస్తూ ప్రతిరోజూ లక్షలాది రూపాయలు ఆర్జిస్తున్నారు. వైకాపా హయాం నుండి సాగుతున్న ఈ అక్రమ దందా వల్ల ప్రభుత్వ ఖజానాకు ఏటా రూ. 3.5 కోట్లకు పైగా గండిపడటమే కాకుండా, భారీ వాహనాల రాకపోకలతో పోలవరం కాలువ గట్టు, పరిసర గ్రామాల రహదారులు పూర్తిగా ధ్వంసమయ్యాయి.