సిరిసిల్ల ఎస్పీపై కేంద్ర మంత్రి బండి సంజయ్ ఆగ్రహం

సిరిసిల్లలో జరిగిన 'మన బడి-మన బాధ్యత' కార్యక్రమానికి ఎస్పీ మహేశ్ బి. గీతే హాజరుకాకపోవడంపై కేంద్ర మంత్రి బండి సంజయ్ తీవ్ర అసంతృప్తి వ్యక్తం చేశారు. కేంద్ర మంత్రి పాల్గొనే అధికారిక కార్యక్రమాలకు పోలీసు అధికారులు తప్పక రావాలని ఆయన స్పష్టం చేశారు. ఎస్పీకి బీఆర్ఎస్ పార్టీపై ఎందుకంత ప్రేమని ప్రశ్నించిన సంజయ్, పక్షపాతం వీడి పనిచేయాలని హెచ్చరించారు. కావాలంటే ఆ పార్టీలో చేరాలంటూ వ్యంగ్యంగా వ్యాఖ్యానించారు. ఈ ఘటన ప్రస్తుతం జిల్లా రాజకీయాల్లో పెద్ద చర్చకు దారితీసింది.