న్యాయవాది హత్య కేసులో నిందితుల అరెస్ట్

హైదరాబాద్‌లో న్యాయవాది ఖాజా మొయినుద్దీన్‌ను కారుతో ఢీకొట్టి హత్య చేసిన కేసులో అలం ఖాన్, అతని కుమారుడిని పోలీసులు అరెస్ట్ చేశారు. భూవివాదాల నేపథ్యంలో రూ.15 లక్షల సుపారీ ఇచ్చి, ఈ హత్యను ప్రమాదంగా చిత్రీకరించేందుకు నిందితులు పథకం పన్నారు. ఇప్పటికే గోవా, కల్వకుర్తి ప్రాంతాల్లో నలుగురిని అదుపులోకి తీసుకున్న పోలీసులు, దర్యాప్తును వేగవంతం చేశారు. న్యాయవాదిని అడ్డు తొలగించుకునేందుకే నిందితులు కారుతో ఢీకొట్టి హత్య చేసినట్లు పోలీసుల విచారణలో వెల్లడైంది.