శబరిమలలో భక్తుల కోసం AI నిఘా

వార్షిక యాత్రలో తప్పిపోయిన భక్తులను వేగంగా గుర్తించేందుకు శబరిమలలో అత్యాధునిక ఆర్టిఫిషియల్ ఇంటెలిజెన్స్ (AI) ఆధారిత థర్మల్ కెమెరా వ్యవస్థను ప్రవేశపెట్టనున్నారు. దీంతో దశాబ్దాలుగా వినిపిస్తున్న లౌడ్‌స్పీకర్ల ప్రకటనలకు ముగింపు పడనుంది. ట్రావెన్కోర్ దేవస్వం బోర్డు ఆధ్వర్యంలో పంపా, సన్నిధానం వంటి కీలక ప్రాంతాల్లో నాలుగు వందల నిఘా కెమెరాలను ఏర్పాటు చేయనున్నారు. ఈ సాంకేతికత ద్వారా లక్షలాది మంది భక్తుల జనసమూహ నిర్వహణ సులువవుతుందని అధికారులు తెలిపారు.