ఆదిలాబాద్‌లో దొంగల బీభత్సం

ఆదిలాబాద్‌లో తాళం వేసి ఉన్న ఇళ్లే లక్ష్యంగా దొంగలు వరుస చోరీలకు పాల్పడుతున్నారు. పగలు, రాత్రి తేడా లేకుండా కాలనీల్లో తిరుగుతూ బీరువాల్లోని నగలు, నగదును చాకచక్యంగా దోచేస్తున్నారు. పట్టణంలోని ఖానాపూర్, శాంతినగర్ ప్రాంతాల్లో ఇటీవల జరిగిన భారీ చోరీలు ప్రజలను భయాందోళనకు గురిచేస్తున్నాయి. పాత నేరస్థుల ప్రమేయంపై అనుమానాలు వ్యక్తమవుతుండగా, పోలీసులు దర్యాప్తు ముమ్మరం చేశారు. ప్రజలు అప్రమత్తంగా ఉండాలని అధికారులు హెచ్చరిస్తున్నారు.