995 మంది కార్డుదారులు షాక్

జుక్కల్‌ మండలంలోని పెద్దఎడ్గి గ్రామంలో పంపిణీ చేసిన రేషన్‌ కార్డుల్లో గ్రామం పేరు తప్పుగా ముద్రితమైంది. దీంతో లబ్ధిదారులు ఆందోళన వ్యక్తం చేశారు. ఈ సందర్భంగా గ్రామానికి చెందిన సుమారు 995 మంది లబ్ధిదారులకు కొత్త రేషన్‌ కార్డులు అందించారు. కార్డులు అందుకున్న లబ్ధిదారులు వాటిని పరిశీలించడంతో అసలు విషయం బయటపడింది. కార్డుల్లో తమ గ్రామం పేరు ‘పెద్దఎడ్గి’కి బదులుగా ‘సోపూర్‌’గా ముద్రించి ఉంది.