తెలంగాణలో వడదెబ్బకు 13 మంది మృతి

తెలంగాణ వ్యాప్తంగా తీవ్రమైన ఎండలు, వేడి గాలుల కారణంగా మంగళవారం వడదెబ్బతో 13 మంది మరణించారు. ఖమ్మం, ములుగు, వరంగల్, భద్రాద్రి కొత్తగూడెం, మహబూబాబాద్, ఆసిఫాబాద్ జిల్లాల్లో ఈ విషాద ఘటనలు చోటుచేసుకున్నాయి. మృతులలో ఇద్దరు గ్రామపంచాయతీ కార్మికులు, ఒక ట్రాక్టర్ డ్రైవర్ కూడా ఉన్నారు. తీవ్ర ఎండల తీవ్రతకు అస్వస్థతకు గురై వేర్వేరు ప్రాంతాల్లో వీరంతా ప్రాణాలు కోల్పోయినట్లు అధికారులు తెలిపారు. వృద్ధులు, మహిళలు కూడా ఈ వడదెబ్బకు బలయ్యారు. భానుడి భగభగలకు ప్రజలు అల్లాడిపోతుండగా, మధ్యాహ్నం వేళల్లో బయటకు రావద్దని వాతావరణ శాఖ హెచ్చరిస్తోంది.