రాజధానిపై అనిశ్చితికి తెర: ఉభయ సభల ఆమోదంతో చట్టరూపం దాల్చిన అమరావతి బిల్లు.

అమరావతికి పార్లమెంటులో చట్టబద్ధత లభించడం ఐదు కోట్ల ఆంధ్రుల విజయం అని మంత్రి నారా లోకేశ్ కొనియాడారు. 11 పార్టీలు మద్దతు ప్రకటించి ఆంధ్రప్రదేశ్‌కు అండగా నిలిచాయని, ఇకపై రాజధానిని ఎవరూ మార్చలేరని స్పష్టం చేశారు. రైతులు, మహిళలు చేసిన సుదీర్ఘ పోరాటం నేటితో ఫలించిందని ఆయన భావోద్వేగంతో పేర్కొన్నారు. ప్రధాని మోదీ, అమిత్ షాల చొరవతోనే అమరావతి కల సాకారమైందని, రాబోయే రెండేళ్లలో తొలి దశ పనులు పూర్తి చేస్తామని లోకేశ్ ప్రకటించారు. అభివృద్ధి పనుల ప్రారంభోత్సవానికి ప్రధానిని ఆహ్వానిస్తామని చెబుతూ, అడ్డంకులు తొలగిపోయినందున రాష్ట్రం ఇక వేగంగా ప్రగతి పథంలో పయనిస్తుందని ధీమా వ్యక్తం చేశారు.