విద్యుత్ స్తంభాలకు ప్రకటనల బోర్డులు కడితే చర్యలు

రామగుండం కార్పొరేషన్ పరిధిలో విద్యుత్ స్తంభాలకు అనుమతి లేకుండా ప్రకటనల బోర్డులు కడితే చర్యలు తీసుకుంటామని మేయర్ మహంకాళి స్వామి హెచ్చరించారు. ఇటీవల ఫ్లెక్సీలు, బోర్డులు ఏర్పాటు చేసిన ఓ ఏజెన్సీ నిర్వాహకుడికి రూ.50 వేల జరిమానా విధించినట్లు తెలిపారు. మరికొందరికి నోటీసులు జారీ చేశామన్నారు. ఇలాంటి బోర్డుల వల్ల వాహనాల రాకపోకలకు ఇబ్బందులు ఏర్పడి రోడ్డు ప్రమాదాలు జరిగే అవకాశం ఉందని పేర్కొన్నారు.