ఊరంతటికీ ఒక్కటే వంటశాల

పిల్లలు వలస వెళ్లడంతో గుజరాత్‌లోని ఓ గ్రామంలో వందలాది మంది వృద్ధులు ఒంటరిగా మిగిలిపోయారు. వృద్ధాప్యంలో వారు వంట చేసుకునే అవస్థలను గమనించిన సర్పంచ్ పూనంభాయ్ పటేల్ ఊరంతటికీ ఒకే సామూహిక వంటశాలను ఏర్పాటు చేశారు. నెలవారీ రుసుముతో రోజుకు రెండు పూటలా పౌష్టికాహారం అందిస్తుండటంతో వృద్ధుల శ్రమ తప్పుతోంది. ఒకరికొకరు తోడుగా ఉంటూ ఇక్కడ భోజనం చేయడం వల్ల వారిలో ఒంటరితనం, మానసిక ఒత్తిడి దూరం అవుతున్నాయి.