ఉంగుటూరులో నేలకొరిగిన వరి పంట

అర్నబ్ తుఫాన్ ప్రభావంతో వీచిన ఈదురుగాలులకు ఉంగుటూరు మండలంలో వరి పొలాలు నేలకొరిగాయి. ఈనిక దశ, గింజ గట్టిపడే దశలో పంట ఒరగడంతో ఎకరానికి రూ.15-20 వేల వరకు నష్టం వాటిల్లే ప్రమాదం ఉందని రైతులు ఆవేదన వ్యక్తం చేశారు. ముఖ్యంగా స్వర్ణ రకం వరి పంట ఎక్కువగా దెబ్బతిన్నట్లు రైతులు తెలిపారు. తుఫాన్ ప్రభావంతో పంట నష్టంపై రైతుల్లో ఆందోళన నెలకొంది.