బీదర్ వద్ద ఘోర ప్రమాదం: ఇద్దరు తెలంగాణ వాసుల దుర్మరణం

బీదర్ జిల్లాలో ఆర్టీసీ బస్సు బైక్‌ను ఢీకొట్టిన ప్రమాదంలో తెలంగాణకు చెందిన నర్సింహులు, అరుణ్ మృతి చెందారు. జహీరాబాద్-బీదర్ రహదారిపై జరిగిన ఈ ఘటనలో బస్సు బోల్తా పడటంతో ఇద్దరూ అక్కడికక్కడే ప్రాణాలు కోల్పోయారు. ఈ ప్రమాదంలో బస్సులోని పదిమంది ప్రయాణికులు గాయపడ్డారు. క్షతగాత్రులను చికిత్స నిమిత్తం బీదర్ ప్రభుత్వ ఆసుపత్రికి తరలించారు. సమాచారం అందుకున్న పోలీసులు కేసు నమోదు చేసి దర్యాప్తు ప్రారంభించారు.